شعبہ جات

شعبہ درس نظامی القسم الاردو میں وفاق المدارس العربیہ پاکستان کے نصاب (درس نظامی) کے مطابق مکمل تعلیم اردو زبان (اردو میڈیم) میں دی جاتی ہے، اور وفاق المدارس العربیہ پاکستان کے تحت منعقدہ امتحانات میں شرکت اور کامیابی کے بعد اسناد جاری کی جاتی ہیں
درس نظامی کی تعلیم آٹھ سال پر مشتمل ہے جس میں درجات {مراحل} درج ذیل ہیں:
• العامۃ السنۃ الاولی درجہ اولی
السنۃ الثانیۃ درجہ ثانیہ مساوی میٹرک
• الخاصۃ السنۃ الاولی درجہ ثالثہ
السنۃ الثانیۃ درجہ رابعہ مساوی ایف۔اے
• العالیۃ السنۃ الاولی درجہ خامسہ
السنۃ الثانیۃ درجہ سادسہ مساوی بی۔اے
• العالمیۃ السنۃ الاولی درجہ سابعہ[موقوف علیہ]
السنۃ الثانیۃ دورہ حدیث شریف مساوی ایم۔اے

شعبہ درس نظامی القسم العربی میں وفاق المدارس العربیہ پاکستان کا آٹھ سالہ نصاب (درس نظامی) کو درجہ خامسہ (عالیہ سال اول) تک کی تعلیم عربی زبان (عربی میڈیم) میں دی جاتی ہے، اور وفاق المدارس العربیہ پاکستان کے تحت منعقدہ امتحانات میں شرکت اور کامیابی کے بعد اسناد جاری کی جاتی ہیں۔
 اس شعبہ میں تعلیم حاصل کرنے والے طلبہ کےلئے اپنی درسگاہ میں اور چھٹی کے اوقات میں باہم بات چیت عربی زبان میں کرنا لازمی ہے اور امتحانات کے دوران پرچہ جات عربی میں حل کرنا بھی لازمی ہے

معھد کی پہلی کلاس الصف التمہیدی  کےلئے مڈل پاس طلباء کرام کو داخلہ دیا جاتا ہے اس کلاس میں طلباء کو ایک سال میں مکمل عربی بول چال اور عربی لکھنا پڑھنا سکھایا جاتا ہے۔

فضلاء درس نظامی جو سی ایس ۔ایس کے لئے مطلوبہ شرائط اورعصری تعلیم رکھتےہوں ان کے لئے سی ایس ۔ایس کی تیاری کا موقع فراہم کیاجاتاہے۔

اس شعبہ میں داخلہ محدود نشستوں پرہوتاہے۔

  سی ایس ۔ایس کی تیاری  کا دورانیہ تقریبا 8ماہ ہے

جید مفتیان کرام کے زیر نگرانی عوام الناس کی دینی رہنمائی کےلئے ایک شعبہ قائم کیا گیا ہے جس میں تحریری طور پر سوالات کے جوابات بطور فتوی دیئے جاتے ہیں اور زبانی یا فون پر بھی سوالات کے جوابات  دئیے جاتے ہیں۔

ملازمت وتجارت سے وابستہ حضرات کے لئے دوسالہ مختصر دینی کورس

مختلف شعبہ ہائے زندگی سے تعلق رکھنے والے مصروف اورملازم پیشہ افراد کی دینی رہنمائی کےلئے وفاق المدارس العربیہ کی جانب سے تیار کیاگیادوسالہ مختصر نصاب پڑھایاجاتاہے۔ اس شعبہ میں مکمل ترجمہ قران،احادیث نبویہ کا مختصر نصاب ،بنیادی عربی گرامر اورروزمرہ کےپیش آمدہ  بنیادی مسائل  کے احکام سکھائے جاتےہیں۔
کورس کا دورانیہ دوسال ہے۔ کورس میں کامیابی پر وفاق المدارس العربیہ کی طرف سے باقاعدہ سند جاری کی جاتی ہے۔

جامعہ میں طلباء کی فلاح و بہبود کےلئےمحمدیہ ویلفئیر ٹرسٹ کے نام سے طلباء کا ایک ویلفئیر ٹرسٹ کام کر رہا ہے ، جس کے قیام کا مقصد :

• نادار طلباء کی امداد
• بیمار طلباء کا علاج معالجہ 
• بیمار طلباء کی دیکھ بھال اور ان کےلئے الگ سے کھانے کا اہتمام۔
• طلباء کے مابین ہم نصابی سرگرمیوں (تقریری ، تحریری، اور کھیلوں کے مقابلوں) کا انعقاد ،
• جامعہ میں انعقاد پذیر پروگراموں کی ترتیب و انتظامات
• جامعہ میں صفائی ستھرائی اور دیگر کئی امور کی دیکھ بھال شامل ہے،

 شعبہ مالیات جامعہ کا ایک اہم اور منظم شعبہ ہے جس کے تحت مختلف مدات میں آنے والی رقوم اور جامعہ میں ہونے والے اخراجات کا منظم حساب رکھا جاتا ہے، نیز جامعہ میں آنے والی رقوم اور اخراجات کا باقاعدہ آڈٹ بھی اس شعبہ کے تحت کرایا جاتا ہے۔ 

 جامعہ میں آنے والی رقوم زکوٰۃ ، صدقات ، فطرانہ وغیرہ کی ہوتی ہیں، جن کے ساتھ اہل خیر مسلمان بھائی اس عظیم دینی کام کی ترویج میں اپنا حصہ ملا کر تعاون کرتے ہیں،  اللہ رب العزت سے دعا ہے کہ اللہ تعالیٰ ان کو اپنی شان کے مطابق جزائے خیر عطا فرمائے۔ آمین